يوميات طالب جامعى " بكرة تتعدل "

Tweet

Pin It

 بكرة تتعدل 

 
انه الصباح جرس المنبه يرن ويرن ويرن , واذا ببطلنا الهمام ينهض من على سريره ويقاوم النوم انه اليوم الاول فى الدراسه وكله امل وتفاؤل ان تكون سنه جديدة افضل من سابقتها , يبدأ فى ارتداء ملابسه ويهم فى الخروج حتى الان كل شىء يبدوا طبيعيا يخرج من بيته ليجد نفس المواصلات التى كان يركبها ونفس الزحام فيقول لنفسه بكرة تتعدل ويركب .

يجد نفسه محشور فى السياره بجانب بنات وسيدات فيقول بكرة تتعدل وبعدين دول زى اخواتى ويمد يده فى جيبه لدفع الاجرة " التباع او السواق : الاجرة غليت " طيب ليه يا عم كدة اصل الدولار غلى , يضحك فى صمت ويقول بكره تتعدل . 
اخيرا وصل بطلنا الى الجامعه محراب العلم , الان طابور الصباح للدخول من البوابه طلع كرنيهك يا كابتن وصف طوييييييييييييييل على بوابة واحده طيب لية كدة اصل دى بوابة الطلبه والعشرين بوابه التانيه مش للطلبه طبعا بكرة تتعدل .

الان جاء وقت تسجيل المواد او رؤيه الجدول يرى زحام شديد وكله على بعضه لا يدرى ماذا يفعل اينتظر او يدخل فى وسط الزحام فهو يخاف على البنت التى قد يخدش حيائها بغير قصد منه او بقصد من غيره اكثر من خوفه على نفسه فهو فى النهاية شاب ولا مشكله لديه وينتظر وينتظر ثم يقرر الدخول فى الزحام ولن اتحدث عن هذا فكلنا نعرف الزحام حتى لو كنا كلنا فى غاية الادب والاحترام بكرة تتعدل .

حتى الان لم يرى الكليه ولم يدخلها بعد كل هذا العناء والتعب , يقول فى نفسه اكيد فى حاجات كتير اتغيرت فى الكليه من جوة , ويدخل ليصعد السلم يجب ان يتحاشى من يجلس عليه واذا كان السلم ضيق ويجلس عليه ولد وبنت لازم يلف ويروح من سلم تانى علشان ما يزعجش البهوات بكرة تتعدل .

ينظر فى ساعته انها الثانيه ظهرا معقوله " دا انا صاحى الساعه 8 " بكرة تتعدل ويبدأ مشوار العودة .

بكرة تتعدل

في لحظة من عمرنا          
           نقف .. ونتأمل
ماضي .. وراح مننا          
           ولسه بنكمل
نتعب .. نقول حظنا          
           نصبر .. ونتحمل
والفكر لو هزنا          
           نضعف .. ونتزلزل
نتمني لو عمرنا          
           يبدأ .. من الأول
معقول يطول همنا          
           نشكي .. ونتعلل
واليأس يلعب بنا          
           ونبتدي نكسل
نسينا ليه ربنا          
           يمهل .. ولا يهمل
في خزنته رزقنا          
           وبذكره .. تتعدل
بلاش يضيع وقتنا          
           بين كوره .. ومسلسل
وفي لحظة من عمرنا          
           نرجع .. ونتأمل
حاضر .. يضيع مننا          
           ولسه بنكمل